Hoyga Barashada Tawxiidka

www.towxiidka.com

  
  
  
Get Adobe Flash player

Dadka booqanaya webka

We have 39 guests and no members online

1) macnaheeda waxaa la garanayaa, markii la garto macnaha ereyga (الله), iyo macnaha ereyga (الإله):

Ereyga (الله): waa Rabbiga caalamka wada abuuray magiciisa gaarka ah, cid kalena looguma yeeri karo.

Ereyga (الإله): wuxuu ka yimid ficilka (أله ـ يألهُ ـ إلاهة), oo ah:

 (waa u caabudey- waa u caabudayaa- caabudid).

Ereyga ilaah (الإله): waa (مألُوه), oo ah:

(معبود), ama: (kii la caabudey).

Ereyga (الإله): waxay ka dhigteen carabtu magac guud oo ay ugu yeeri jireen cid walboo la rumeeyo, inuu leeyahay awood qofka ku bixinaysa, inuu sharkiisa ka baqo, khayrkiisana rajeeyo, una hoggaansamo, amarkiisana addeeco. Yacni awood qofka ku bixinaysa inuu caabudo

Ereyga (الإله): haddii la soo koobo waa:

midka la caabudo (المعبود). Haddaba macnaha ereyga:  (لا إله إلا الله), waa:

“mid in la caabudo xaq u leh ma jiro Allaah mooyee”

Dadka (الله) keligi caabudey, Allaah bay ka dhigteen ilaah (الإله) . run bayna sheegeen, hadday yiraahdaan:(لا إله إلا الله)

Dadka (الله) cid aan ahayn caabudeyna, cidday caabudeen bay ka dhigteen ilaah (الإله) . been bayna sheegeen, hadday yiraahdaan: (لا إله إلا الله) inta ay cid kale caabudayaan.

Haddaba ilaah yeelashadu waa caabudidda, ee baro caabudid waxa looga jeedo.

2) sida Islaamku uu qofka u farayo, inuu Allaah keligi ilaah ka dhigto, buu wuxuu u farayaa, inuu Allaah keligi rabbi ka dhigto.

Ereyga rabbi (الربّ), waxa looga jeedo waxaa lagu soo ururin karaa afar macne:

Kowaad:

Waa kan wax abuura oo barbaariya: wuxuu yiri Allaah:

-"إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثًا وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلَا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِينَ" (الأعراف:54)

Labo:

Waa kan wax ilaaliya, ka warqaba, xaalka xumaadana hagaajiya:

-" قَالَ أَفَرَأَيْتُمْ مَا كُنْتُمْ تَعْبُدُونَ. أَنْتُمْ وَآَبَاؤُكُمُ الْأَقْدَمُونَ. فَإِنَّهُمْ عَدُوٌّ لِي إِلَّا رَبَّ الْعَالَمِينَ. الَّذِي خَلَقَنِي فَهُوَ يَهْدِينِ. وَالَّذِي هُوَ يُطْعِمُنِي وَيَسْقِينِ. وَإِذَا مَرِضْتُ فَهُوَ يَشْفِينِ. وَالَّذِي يُمِيتُنِي ثُمَّ يُحْيِينِ. وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ" (الشعراء: 75-82)

Saddex:

Waa xaakimka wax jideeya, iyo taliyaha amarkiisu fulo:

-" قُلْ يَا أَهْلَ الْكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَلا نَعْبُدَ إِلا اللَّهَ وَلا نُشْرِكَ بِهِ شَيْئًا وَلا يَتَّخِذَ بَعْضُنَا بَعْضًا أَرْبَابًا مِنْ دُونِ اللهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ" (آل عمران:64)

-" اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللهِ وَالْمَسِيحَ ابْنَ مَرْيَمَ وَمَا أُمِرُوا إِلا لِيَعْبُدُوا إِلَهًا وَاحِدًا لا إِلَهَ إِلا هُوَ سُبْحَانَهُ عَمَّا يُشْرِكُونَ" (التوبة:31)

Afar:

Waa kan waxa milkiyey, lahaanshihiisana yeeshay:

Waxay yiraahdaan midka guriga leh: (ربُّ البيت), midka geela lehna (ربُّ الإبل), kan ariga lehna (ربُّ الغنم):

Wuxuu Allaah yiri:

-" فَلْيَعْبُدُوا رَبَّ هَذَا الْبَيْتِ. الَّذِي أَطْعَمَهُمْ مِنْ جُوعٍ وَآَمَنَهُمْ مِنْ خَوْفٍ" (قريش: 3-4)

Halkaa waxaad ka ogaaneysaa marka la yiraahdo: "Allaah keligi rabbi ka dhigo", in looga jeedo:

- U aqoonso keligi inuu ku abuuray.

- Keligi baryo ku caabud, baahidana u sheego, si uu kuugu gargaaro.

- Keligi sharcigiisa addeec, wax jideyntana ka qaado.

- Keligi inuu ku leeyahay aqoonso.

Fircawn markuu lahaa:

(أَنَا رَبُّكُمُ الْأَعْلَى) iyo (مَا عَلِمْتُ لَكُمْ مِنْ إِلَهٍ غَيْرِي) wuxuu u jeedey, waxaan ahay taliyaha sare, ee waddanka ugu awoodda badan, amarkiisana aan la diidi karin. Markuu jiritaanka ilaaha nabi Muusa inkirayo, wuxuu ku joojinahayey dacwada uu ka baqay, in la wada raaco, oo kibir iyo isla weyni baa inkiraadda ku bixinayey.

Dadka moodey inuu sheeganayey abuurista samaawaatka iyo dhulka, dadkiisuna ka rumaysan jireen, wax aan jirin bay maleeyeen, waxaana ku bixiyey, iyagoo ereyga rabbi hal macne u yaqaan, oo ah: "kan wax abuura".

Xaqiiqada waxaa kuu caddaynaya:

- Fircawn waa nin hooyo, iyo aabbe, iyo qabiil, iyo reer abti leh, oo waaguu dhashay la yiqiin. Cirka iyo dhulkuba inay isaga ka horreeyeen la is weydiin meyn.

Wuxuu yiri Allaah:          -" فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ" (الزخرف:54)

-"ولقد جاء آل فرعون النُّذر" (القمر:41)

Ehel iyo tol inuu lahaa, aayadahaa sheegay.

Tan kale jiritaanka malaa'ikta waa kan qiraya, mana jiro qof malaa'ikta rumaysan jiritaankeeda, oo jaahil ka ah jiritaanka Allaah.

-" فَلَوْلَا أُلْقِيَ عَلَيْهِ أَسْوِرَةٌ مِنْ ذَهَبٍ أَوْ جَاءَ مَعَهُ الْمَلَائِكَةُ مُقْتَرِنِينَ" (الزخرف:53)

Tan kale markay ciqaabtu haleeshay, oo uu kibirkii ka ba'ay, waa kii tawxiidka qiray, waqti ayan qiriddu waxba tarayn.

-" حَتَّى إِذَا أَدْرَكَهُ الْغَرَقُ قَالَ آَمَنْتُ أَنَّهُ لا إِلَهَ إِلا الَّذِي آَمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ" (يونس:90)

Copyright © 2013. All Rights Reserved. www.towxiidka.com