Hoyga Barashada Tawxiidka

www.towxiidka.com

  
  
  
Get Adobe Flash player

Dadka booqanaya webka

We have 63 guests and no members online

(1)    Munaafaqu xudduuddii alluu                  Laxarbinaayaa e

          Weligiiba meeshii xun buu                           u xaglinaayaa e

          Xujaduu rogaa oo dadkuu                             kala xadaayaa e

          Xayn xayn in loo kala haray                          xaajadii tahaye

 

(2)    Xaqiiqada uu sheeganahayaa                       lagu xadmaayaa e

          "Xuddathaa"da buu jecel yahoo                  xariggi gaaraa e

          Xog-mooge iyo jaahil buu                             xerada dhaafshaa e

          Xakiim uma dhowaadiyo ninkii                   xaaladdii garane

 

(3)    Inuu yahay xawaariga muslimay                buu xardhahayaa e

          Intaan xeeshi garanaynin baa                      xadan ayaantaase 

          Weligeedba xayn baa ku siran                     xiisad uu dhigaye

          Xisbi waayi maayiyo ibliis                             xulafadiisii e

 

(4)    Ma xumeeyo Towxiid markay                      xarafka joogtaa e

          Dhaqankaase xaalaysanoo                            xagashu daacdaa e

          “Xijri” iyo nin “Xaamiim” dhigtiyo             xukummadii "Towba"

          Gaalkana xiriirkiisa jecel                               waa "Xujiyo" yaabe

 

(5)    salaadaha xafidi maayo oo,                          xoog umow helo e

          intuu xumi ku sii jeedo buu,                         xilligu dhaafaa e

          ama waa xadaayaa Tukaha,                         buu la xeel yahaye

          xikmadeedi lumi oo qalbigu,                        xaadir noqon waa e

 

(6)    jamaacada ma xiiseeyo oo,                           wow sidii xanan e

          xornimo layska qaadiyo shaqada                xayirankeedii e

          xaafaddaba ma dhaafeen hadaan               lays xaqirahayne

          xamashuu ka yaabiye imaam,                      kuma xirraadeene

 

(7)    Yaqiin lagu xasilo iyo malaha                       xamiya diineede

          Hadba xaalad lala yaabo buu                       xarrago moodaa e

          Xalaf buu maraayaa inuu                              kuu xabiib yahaye

          Xubna goynna waa kugu hayaa                   amase xiirriine

 

(8)    Xubbi buu mar kuu muujiyaa                      dhaqan xigaaleede

          Xoogaa yar dabadeedna waa                        lagu xajiimoone  

          Marna waa xaraar iyo sun iyo                      xabag dhunkaaleede

          Xarfo lagu riddoobaayo iyo                           waa xinjiro dhiige

 

(9)    Xurmo iyo xaqdhowr culuma buu              ka xadfanaadaa e

          Xaniifkii hanuuninahayuu                            xumi ku tuuraa e

          Oo  aan xoolo uga doonahayn                      xarafka Diineede

          Xaqa baa dhibaayee wallaan                        xanaf la gaarsiine

 

(10)  Xididdada caqiidada ayaa                             xoog yaroo go’ane

          Waa xoor an jiri doonin iyo                           xuubka caarada e

          Xamiyadi ma deyn iyo qabiil                        laysku ximiyaa  e

Beentu waa xirfadahiisa oo                           waa xalaashadaye

 

(11)  Xikmad ma laha ruuxii taqwada                 laga xayuubshaa e         

          Xishoodkiyo amanaduna waa                      ku xigsanaayaane

          Waa xiri yaqaan ballamadee                        xoojintuu gabaye

          Awr xariggi goostiyo ka dhigan                    xoolo baadiya e

 

(12)  Xaaraantu waxa ay la tahay                         sida xalaashii e

          Xoolo looma dhiiboo durbuu                        kala xadaayaa e        

          Dumarkiyo wuxuu xaalufshaa                     xoog yarta agoone

          Waysaga xisaabtamahayaa                          xalaqa naareede

 

(13)  'Xujuraat" nin kuu marinayoo                     xaafid laga yeelay

          Xudduuddiyo xarfaha garanayiyo               xeerka lagu muujey

          Xaqir iyo xumaatiyo hadduu                        xamasho deyn waayo

          Xaggee baa la geeyaa ibliis                           baa xiriirsadaye

 

(14)  Xabiibkeenna maahiyo ninkani                   xoog Inoo maqane

          Xayn uu la sii didi karuu                                sii xansanayaa e

          Xumaatadi dhacdaa waxay u tahay            xoojin iyo guule

          Xurguftii timaaddaana waw                         xal iyo rayn rayne

 

(15)  Sharku maalin tuu xoogsadoo                      xumidu qiicayso

          Xilmi lagama sugo iyo cilmiga                     xigashadiisii e

          Xasadkii ku aasnaan jiraa                             soo xagaa baxa e

          Adoo ila xabaal oranayuu                              xaabada u guri e

 

(16)  Garta waa xabeebinahayaa                           xaakimkii gala e

          Haddii laga xuquuq yeesho waa                  kugu xad dhaafaa e

          Xaqqa uma hoggaansamahayee                  ways xir xirayaa e

          Xaddiiskina waxuu noqon anaa                   xeel la ii degay e

 

(17)  Waanadu xabbado naara iyo                        wow xanuun darane

          Xalaqada cilmiga uma batee                        suuqyaduu xuli e

          Xoogaaga hebel leeyuhuu                              xagal ka eegaa e

          Maantay xantoobadu gaftana                      wow xarboo kale

 

(18)  Hadduu xanaf lahaa maalinbuu                  xuub dhacsanayaa e

          Maantuu qamiis soo xidhuu                         xaaja leeyahaye

          Xawqalada uu badiyo oo                               Shaaribbada xiiro

          Muxuu "xayra" nagu reebay waa                nimaan xishooneyne

 

(19)  Xoolana hadduu helo Ibliis                           xoog leh buu noqone

          Xarragiyo waxay uga caddaan                     dalal la xiisaa e

          Sarta xoojinteediyo hablaha                         xulashadoodii e

          Xayawaan dhargaba saw dudumo              kuma xawaareeyo

 

(20)  Isagoon xig yara dhiibin buu                        xagasha keenaa e

          Xag Ilaahay niman loo xayiray                    buu xaqirayaa e

          Shabaabkaa xereysanahayuu                       xaaladdood geliye

          May xoog sadaan bay u badan                     xamashadiisii e

 

(21)  Inaan xoolo laga doonahayn                         xoorku garanwaaye

          La xoroobeyoo aan adduun                           lays xijinahayne

          Adigaa xudduuddii Alliyo                              gooyey xariggiiye

          Xaqdarrada la guur maalin bay                  kula xaraaraane

 

(22)  Inantuu walaayada xigsado                          wow xannibantaa e

          Shuruud xoog leh iyo buu ku xiri                 xaaja qoofalane

          Intuu xoolo badi leeyahay                             u xayirraataa e

          Hadaan xerada loo buuxineyna                   xaawa la is waaye

 

(23)  Xaaskiisa waa laga naxaa                             xaaladday tahaye

          Xaqna bari mayoo debedna waa                 ka xarrimaayaa e

          Xumaatooyin aan jirinna waa                      ku xurbinaayaa e

          Xikaayooyin beenuu daliil                             ugu xujeystaa e

 

(24)  Anigaa xaqdoonee dadkii                              way xasduu orane

          Xisbigii Allaan moodayaye                           uma xirraadeene

          Waa lay xaqirayoo tashiga                            waa ka xoorrahaye

          Mid walboo an xaraf sheegi Karin              way xukumayaa e

 

(25)  Hadba kaan xabriga moodayaa                   xumi I gaarsiine

          Maantaan xayaatada u baqo                        ima xiriirshaane

          Hadday xaaska iga weeraraan                     waan xarbinayaa e

          Bal xoogaana waa dhowrayaa                      xaal siduu noqone

 

(26)  Miskiintaa xakiimkii alloo                             xafida mooyaane

          Wuxuu xoodiyaba maalin bay                      xumida yeeshaa e

          Xujana maaha Aakhiro ninkii                      bow xirraan jiraye  

          Xisbigii shayaaddiinta bay                            xubin ahaataa e

 

(27)  Jilbis kuu xabaalani marbuu                        xubinta beegaa e

          Xasaruu mar kugu reebayaa                        iyo xanuun weyne

          Nin abees xanbaartayi ka guur                    xaalad nabadeede

          Xadarkiinna qaba cadowgu waa                 xeelad badiyaa e

 

(28)  Xarig lama sitaanow maxaad                      xaa’ir iga yeeshay

          Maxaan xilliyo kuu qabey inaad                 xaal mastuur tahaye

          Xudduuddii “Baraa”lagu nastaye               kuuma xoog heline

          Rabbigii xujada daahirshaan,                     ku xamdiyaynaa e

 

Copyright © 2013. All Rights Reserved. www.towxiidka.com